Yangiliklar

Isteʼmolchi muammosi hal etildi va mablagʻi toʻliq qaytarildi

Urganch tumani, Tajriba maskani, Oltinsoy koʻchasi, 36-uyda yashovchi fuqaro Jumaniyozov Xushnud 2019-yilda jamiyatimizga ogʻzaki ravishda murojaat qildi.

Murojaatiga koʻra, fuqaro Qibla qurilish bozorida joylashgan savdo doʻkoni xodimlariga oʻz xonadoni uchun eshik buyurtma qilgan, ammo doʻkon xodimlari ishni sifatsiz bajarganliklaridan norozi boʻlib amaliy yordam soʻradi.

Urganch shahar Isteʼmolchilar huquqlarini himoya qilish jamiyati, savdo doʻkoni xodimlari va isteʼmolchi bilan birgalikda oʻrganish ishlari olib borildi.

Oʻrganish jarayonida jamiyat xodimlari tomonidan savdo doʻkoni xodimiga “Oʻzbekiston isteʼmolchilarning huquqlarini himoya qilish toʻgʻrisida”gi qonunning tegishli moddalari tushuntirildi va isteʼmolchiga 1 650 000 (bir million olti yuz ellik ming) soʻm pul mablagʻi qaytarilishiga erishildi.