07.07.2021
Yangi xarid qilingan printer servis bilan bog‘liq muommolarga hamon uchrab turgani achinarli holdir. Buxoro viloyati Kogon shahar Axillik ko‘chasida yashovchi fuqaro Ya.G. Buxoro shahridagi “ORZU TECH” savdo do‘konidan joriy yilning 15 iyun kuni printer uskunasini 2 000 000 so‘mga xarid qilgan ammo printer ishlamayotgani va savdo do‘koni mas’ullari tomonidan almashtirib berilmayotganligidan norozi bo‘lib, O‘zbekiston Iste’molchilar huquqlarini himoya qilish jamiyatlari Federatsiyasi 1091 ishonch telefoniga murojaat qilib amaliy yordam berishni so‘ragan.
Mazkur murojaatga aniqlik kiritish maqsadida birlashma xodimlari tomonidan joyiga chiqib o‘rganildi. “ORZU TECH” savdo do‘koni ishchi-xodimlariga amaldagi qonun hujjatlari talablari doirasida tegishli tushuntirishlar berilgandan so‘ng, sifatsiz printer savdo do‘koniga qaytarilib, iste’molchi to‘langan 2 000 000 so‘m pul mablag‘i to‘liq undirib berildi.
.
