05.04.2024
Uychi tuman ijro etuvchi apparatiga fuqaro R.U. dan yozma murojaat kelib tushgan.
Unda bayon etilishicha, fuqaro 2024-yilning 3-fevral sanasida Uychi tuman markazida joylashgan Xalq bankiga qarashli bankomat orqali oʻziga tegishli boʻlgan plastik kartasidan 2 300 000 soʻm pul mablagʻi yechmoqchi bo'ladi, ammo plastik kartadan pul yechiladi, bankomatdan esa pul chiqarib berilmaydi. Ushbu holat yuzasidan fuqaro R.U. bank xodimlariga murojaat qilgan bo'lsa-da, muammo masʼullar tomonidan bir oy oʻtsa hamki, bartaraf qilinmaydi.
Yuqoridagi holatlar yuzasidan Uychi tuman ijro etuvchi apparati xodimlari tomonidan oʻrganish ishlari olib borilib, iste'molchining plastik kartasidagi 2 300 000 soʻm pul mablagʻi qaytarildi.
