05.04.2024
Joriy yilning 1-aprel kuni Nurota tumani "Bo‘ston" MFY "Anna" qishlog‘ida yashovchi bir guruh aholi nomidan tuman iste'molchilar huquqlarini himoya qilish jamiyatiga murojaat kelib tushgan.
Unda keltirilishicha, 30-mart kuni kuchli yog‘ingarchilik sababli, qishloqdagi 63 KW A lik transformator kuyib ketgan va qishloq aholisi elektr energiya ta'minotisiz qolgan.
Jamiyat xodimlari tomonidan vaziyat o‘rganilib, aholining 2 kundan buyon elektr energiyasisiz yashayotganliklari bo‘yicha tuman elektr tarmoqlari korxonasiga xat orqali tomonlarning huquq va majburiyatlari tushuntirib o'tilgach, tezkor chora ko‘rilib, 2-aprel kuni muommolar elektr korxonasi xodimlari tomonidan bartaraf qilindi va "Anna" qishlog‘ida elektr energiyasi ta'minoti tiklandi.
