24.11.2021
Mamlakatimiz turizm sohasida ulkan salohiyatga ega boʻla turib, uzoq yillar bu imkoniyatdan toʻliq va samarali foydalanilmadi. Turizm rivoji uchun qulay iqtisodiy va tashkiliy-huquqiy shart-sharoitlar yaratilmadi.
Mazkur forum, davomida chetellik ekspertlar tomonidan ham turizmni rivojlantirishga qaratilgan xalqaro meʼyor va standartlari implementatsiya qilinishi, turizm sohasida faoliyatni amalga oshiruvchi xalqaro kompaniyalar bilan hamkorlikni kengaytirish, xalqaro va davlatlararo standartlar va normalarni turizm faoliyati va amaliyotiga joriy etish borasida maʼruzalar tinglandi.
Turiz mavsumiy davrni uzaytirish, koʻrsatiladigan xizmat turlarini koʻpaytirish, xususan, isteʼmolchilar huquqlarini himoya qilishda turizm infratuzilmasini yaxshilash masalalariga alohida toʻxtalib oʻtildi.
Xalqaro isteʼmolchilar jamiyati konfederatsiyasi Raisi – Dmitriy Yanin soʻzga chiqib, Sayyohlar (Xalqaro isteʼmolchilar) tashrif buyuradigan maskanlar va avtomagistral yoʻllar boʻyida sanitariya-gigiyena shahobchalarini koʻpaytirish, madaniy meros obyektlarida isteʼmolchilarning maroqli xordiq olishi uchun qulay sharoitlar yaratish, axborot markazlari joriy etish, sayyohlar uchun yangi xizmatlar tashkil etish orqali valyuta tushumini koʻpaytirish masalasiga alohida toʻxtalib oʻtdi.
Zero, Turizmni rivojlantirish orqali isteʼmolchilar huquqlarini himoya qilish asosiy burch deya, oʻz firkini davom ettirdi – Xalqaro isteʼmolchilar jamiyati konfederatsiyasi Raisi – Dmitriy Yanin
Oʻzbekiston isteʼmolchilar huquqlarini himoya qilish jamiyatlari federatsiyasi Matbuot xizmati
