13.05.2024
Xorazm viloyati Urganch tumani "Besh ayvon" mahallasida yashovchi fuqaro M.D. tuman iste'molchilar huquqlarini himoya qilish jamiyatiga murojaat qilgan.
Unda keltirilishicha, fuqaro xonadoniga Urganch tuman gaz ta'minoti korxonasi tomonidan 7 200 000 so'm asossiz qarzdorlik hisoblangan.
Urganch tuman jamiyati tomonidan fuqaro manfaatini ko'zlab, holat bo'yicha sudga da'vo arizasi kiritildi. Sud da'vo arizasini qanoatlantirdi. Urganch tumanlararo sudining 2024-yil 8-maydagi hal qiluv qaroriga asosan, Urganch tuman gaz ta'minoti korxonasining iste'molchiga nisbatan tuzilgan 7,2 million so'm undirish to'g'risidagi dalolatnomani haqiqiy emas deb topdi.
