26.04.2023
Sariosiyo tumani "Gulobod" mahallasi I. Karimov ko'chasida yashovchi fuqaro Q.K. Denov tuman iste'molchilar huquqlarini himoya qilish jamiyati ishonch telefoniga murojaat qilgan.
Ma'lum bo'lishicha, fuqaro 2022-yil 19-iyulda Denov tumanida joylashgan "Surxon Avto" MCHJ bilan "Cobalt" avtomashinasi xarid qilish uchun shartnoma imzolagan. Unga asosan, 127 145 000 so'm to'lovni amalga oshirgan. Shartnomada avtomobilning 2023-yil 31-yanvar kuniga qadar yetkazib berilishi belgilangan bo'lsa-da, shu kungacha mashinadan darak bo'lmagan.
Ushbu murojaat tuman jamiyati mutaxassislari tomonidan o'rganilib, murojaatchining avtomashinasi 15-aprel kuni rasmiylashtirilib, xonadoniga yetkazib berildi.
