11.05.2023
Boysun tumani "Ko'lqamish" mahallasida yashovchi fuqaro T.M. tuman hokimiga murojaat qilgan.
Unda keltirilishicha, murojaatchi o'z xonadonida issiqxona qurish uchun "Turonbank"dan kredit olgan. Ammo issiqxona qurilgandan keyin bank xodimlari tomonidan fuqaroning kredit toʻlov miqdori hech qanday asossiz 15 000 000 so'mga oshirilgan.
Vaziyat yuzasidan tegishliligi bo'yicha Denov tuman iste'molchilar huquqlarini himoya qilish jamiyati xodimlari tomonidan oʻrganish ishlari o'tkazilib, fuqaro shikoyati o'z isbotini topdi. Natijada, texnik xatolik sabab oshirilgan kredit summasidan 15 000 000 so'm kamaytirildi.
