
17.05.2023
Farg‘ona shahar iste'molchilar huquqlarini himoya qilish jamiyatiga "Avval" mahallasida yashovchi K.N. murojaat qilgan.
Unga ko'ra, fuqaro qish oylarida shahardagi "Texnomart" kredit savdo do‘konidan 2 ta elektr isitish jihozini muddatli to'lov sharti asosida 4 million 418 ming so‘mga sotib olgan. Lekin foydalanish mobaynida isitish jihozi talab darajasida ishlamagach, murojaatchi tomonidan 3 kunlik muddatda tovar do‘konga qaytarilgan. Oradan ma'lum vaqt o'tgach, iste'molchining plastik kartasidan pul yechib olingan. Ma'lum bo'lishicha, savdo do'koni fuqaro nomidagi shartnomani bekor qilmasdan, o'rniga 1 ta mini pech va 1 ta changyutgich texnika vositalarini rasmiylashtirib yuborgan.
Murojaatni o‘rganish jarayonida savdo do‘koni rahbari nomiga amaldagi qonunning 8-moddasi (sotuvchi tomonidan iste'molchiga tovar topshirilmagan) va 21-moddasi (ko‘rsatilmagan xizmat uchun haq olinmaydi) talablari asosida so‘rov xati kiritildi. Sotuvchidan esa shahar jamiyati so‘rov xati o‘rganib chiqilgani, o‘rganish natijalariga ko‘ra, 05.02.2023 yil kunidagi 10UT-000750-sonli shartnoma bekor qilingani hamda bank plastik kartasidan yechilgan 241 ming so'm pul mablag‘i iste'molchiga qaytarilishi bo‘yicha rasmiy javob xati kelib tushdi.