17.05.2023
Uzun tumani "Guliston" mahallasida yashovchi fuqaro M.O. tomonidan tuman isteʻmolchilar huquqlarini himoya qilish jamiyatiga murojaat kelib tushgan.
Unga ko'ra, fuqaro tuman markazida joylashgan maishiy texnika savdo do`konidan 870 000 so'mga suv nasosi sotib olgan. Ammo nasos kafolat muddati tugamasdan ishlamay qolgan. Do'kon sotuvchisi esa nosoz tovarni almashtirib berishdan yoki u uchun to'langan pulni qaytarishdan bosh tortgan.
Do`kon mamuriyatiga jamiyat mutaxassislari tomonidan kerakli tushuntirishlar berilgandan so'ng, suv nasosi uchun to'langan 870 000 so'm pul mablag'i murojaatchiga to'liq qaytarildi.
