
05.06.2023
Davlatobod tuman iste'molchilar huquqlarini himoya qilish jamiyatiga Pop tumanida yashovchi fuqaro M.X.dan murojaat kelib tushgan.
Unda keltirilishicha, 2022-yil 4-avgust kuni jinoyat ishlari bo‘yicha Chust tuman sudining qaroriga ko‘ra, jabrlanuvchi M.X.ga yetkazilgan moddiy zarar uchun huquqbuzar A.Y.dan 3 614 000 so‘m undirilishi belgilangan. Ammo bugungi kunga qadar iste'molchiga moddiy zarar to'lab berilmagan.
Murojaatni o'rganish davomida Majburiy ijro byurosida qarzdor A.Y.dan jabrlanuvchi M.X. foydasiga 3 614 000 so‘m moddiy zarar undirish to‘g‘risida ijro hujjati mavjudligi aniqlandi hamda ijro harakatlari davomida qarzdordan 3 614 000 so‘m zarar pullari undirilib, fuqaroning plastik kartasiga tushirib berildi.