10.08.2021
Oʻzbekiston isteʼmolchilar huquqlarini himoya qilish jamiyatlar federatsiyasi 1091 ishonch telefoni orqali Navoiy viloyati Navoiy shahrida yashovchi fuqaro S.Umarov tomonidan murojaat kelib tushdi.
Unda qayd etilishicha, isteʼmolchi joriy yilning iyun oyida xonadonini qayta rekonstruksiya qilish barobarida eski deraza romlarini ham almashtirish maqsadida 5.350.000 soʻm evaziga usta Sardor Xaydarov bilan shartnoma tuzadi. Usta tomonidan sifatsiz oʻrnatilgan deraza romlari taʼmirdan chiqarilgan xonalarning chiroyiga goʻyoki “gulzordagi yantoqdek” koʻrinib qolgan. Isteʼmolchi “qoʻli gul” ustani izlab topish uchun ancha sarson boʻladi. Topganida esa ustaning “otanga bor, onanga bor” qabilidagi soʻzlaridan charchaganini aytib oʻtgan
Mazkur murojaat, Federatsiyaning Navoiy shahar jamiyati xodimlari tomonidan oʻrganilishi natijasida, sifatsiz oʻrnatilgan deraza romlari sifatli qilib oʻrnatib berilishiga erishildi
