11.08.2021
Oʻzbekiston isteʼmolchilar huquqlarini himoya qilish jamiyatlari federatsiyasi qisqa raqamli 1091 “Ishonch telefoni” orqali Surxondaryo viloyati Denov tumanida yashovchi fuqaro B.Normatov tomonidan murojaat kelib tushdi.
Unda qayd etilishicha, isteʼmolchi B.Normatovning farzandlari Rossiya Federatsiyasida ishlab topgan 1500$ bank orqali yuborilgan. Isteʼmolchi pulni olishga borganda esa tijorat banki xodimlari dollar oʻrniga 15.975.000 (oʻn besh million toʻqqiz yuz yetmish besh ming) soʻm miqdorida pul berishini aytib oʻtgan. Fuqaro soʻm emas, faqat dollar olishini aytgan boʻlsada, bank xodimlari turli bahonalar orqali dollar berishdan bosh tortganini aytib oʻtgan.
Mazkur murojaat Federatsiyaning Denov tuman jamiyati xodimlari tomonidan oʻrganilishi natijasida isteʼmolchiga 15 975 000 (oʻn besh million toʻqqiz yuz yetmish besh ming) soʻm, yaʼni 1500$ dollari toʻligʻicha olib berilishiga erishildi.
