15.06.2023
Toshkent shahar iste'molchilar huquqlarini himoya qilish jamiyatiga fuqaro Q.G.dan murojaat kelib tushgan.
Unga ko'ra, fuqaro "Радуга Звуков" savdo do'konidan 7 million so'mga quloq eshitish moslamasini sotib olgan, ammo oradan ko'p vaqt o'tmay, apparat ishlamay qolgan. Iste'molchi bu bo'yicha do'kon xodimlarga bir necha bor murojaat qilsa-da, e'tiroz e'tiborsiz qoldirilgan.
Holat yuzasidan jamiyat xodimlari tomonidan o'rganish ishlari olib borilib, savdo do'koni ma'muriyatiga amaldagi qonunchilik talablari tushuntirildi. Natijada, murojaatchi to'lagan 7 million so'm to'liq qaytarilishiga erishildi.
