22.06.2023
Namangan viloyati To‘raqo‘rg‘on tumanida yashovchi fuqaro M.Q. tuman iste’molchilar huquqlarini himoya qilish jamiyatiga murojaat qilgan.
Unda bayon etilishicha, fuqaro 2019-yilda “Intelligent Trading House” MChJga qarashli “Oila market” savdo do‘konidan kredit asosida uyali aloqa vositasini sotib olgan va belgilangan muddatda barcha to‘lovlarni amalga oshirgan. Kredit qarzdorligi 2021-yilda tugatilgan bo‘lsa-da, shu yilning may oyida MChJ tomonidan murojaatchi plastik kartasidagi 1 660 000 so‘m pul mablag‘i hech qanday ogohlantirishsiz yechib olingan.
Holat yuzasidan jamiyat mutaxassislari tomonidan o‘rganishlar o‘tkazilib, MChJga amaldagi qonunchilik talablari tushuntirildi. Natijada, 1 million 660 ming so'm pul mablag‘i o‘z egasiga qaytarildi.
