17.09.2021
Federatsiyaning Fargʻona viloyati Uchkoʻprik tuman jamiyatiga mazkur tumanda yashovchi fuqaro M.Yusuvaliyeva tomonidan murojat kelib tushdi.
Unda qayd etilishicha isteʼmolchi, tumandagi kredit savdo doʻkonlarining biridan iyun oyida 3.753.600 soʻm evaziga muddatli toʻlov sharti bilan Samsung rusumli qoʻl telefoni xarid qilgan. Lekin ushbu qoʻl telefoni nosoz chiqqanligi bois sotuvchi bilan bogʻlanib nosoz qoʻl telefoni oʻrniga, shu markadagi boshqa telefonga almashtirib berishlarini talab qilgan.
Sotuvchi esa, qoʻl telefonini texnik koʻrikdan oʻtkazgan va haqiqattan ham telefon apparati nosoz ekani maʼlum boʻlgan. Doʻkon xodimlari mazkur markadagi telefon yoʻq ekani, agar 3-4 kun kutsa, yangisi kelganda almashtirib berishlarini aytgan. Isteʼmolchi oradan 5 kun oʻtib yana xabar oladi. Biroq, yana turli bahonalarni roʻkaj qilib telefon apparatini almashtirib berishmaganini taʼkidladi.
Oʻrganishlar davomida sotuvchi va isteʼmolchi oʻrtasidagi kelishuvga koʻra Samsung rusumli qoʻl telefoni oʻrniga Xiaomi Mi Note 9 128 G rusumli qoʻl telefoniga almashtirib berilishiga erishildi.
