28.09.2023
Namangan tuman iste'molchilar huquqlarini himoya qilish jamiyatiga "Katta Toshbuloq" MFY "Anjirzor" koʻchasida yashovchi fuqoro N.M.dan murojaat kelib tushgan.
Murojaat mazmuniga koʻra, fuqoro Namangan tumani markazida joylashgan "Artel" savdo doʻkonidan 1 638 000 so'mga mikrotoʻlqinli pech xarid qilgan. Ammo fuqaro oʻz tanlovi asosida sotib olgan "Artel" markali mikrotoʻlqinli pech oʻrniga "Volmer" nomli pech yetkazib berilgan. Sotuvchi esa tovarlarning bir-biridan hech qanday farqi yoʻqligi va narxi bir xil ekanini vaj qilib, fuqaroning talabini bajarmagan.
Yuqoridagi holat isteʼmolchining noroziligini keltirib chiqargan. Jamiyat tomonidan oʻrganish ishlari olib borilishi natijasida, isteʼmolchining 1 638 000 soʻmlik mahsuloti ayni oʻzi istagan markadagi mikrotoʻlqinli pechga almashtirib berildi.
