13.10.2023
Surxondaryo viloyati Oltinsoy tumanida yashovchi fuqaro O.Sh. tomonidan tuman iste'molchilar huquqlarini himoya qilish jamiyatiga murojaat kelib tushgan.
Unda keltirilishicha, fuqaro Oltinsoy tumanida joylashgan "Artel" maishiy texnikalar do'konidan 2 600 000 so'mga muzlatgich xarid qilgan. Hali foydalanishga ulgurmasdan, muzlatgichda nuqsonlar ko'rina boshlagan. Ushbu holatdan norozi bo'lgan fuqaro do'kon ma'muriyatiga bir necha bor murojaat qilsa-da, "Mendan ketguncha, egasiga yetguncha", deya fuqaro murojaatini e`tiborsiz qoldirishgan.
Ushbu holat jamiyat xodimlari tomonidan o'rganilganda haqiqatan ham muzlatgich nosoz deb topildi va 2 600 000 so`m mablag` egasiga qaytarib olib berildi.
