05.01.2024
Navoiy shahar Narpay MFY Donishmand ko’chasi 54-uyda yashovchi fuqoro G.M O’zbekiston isteʼmolchilar huquqlarini himoya qilish jamiyatlari Federatsiyasining ishonch raqamiga qilgan murojaatida Navoiy shahrida joylashgan avtosalonlardan biriga Tracer-2 avtomashinasi uchun tuzgan shartnomani bekor qilish va boshlangich to`lov summasini plastik kartasiga qaytarish bo`yicha ariza bilan murojaat qilgan bo’lsada, unga turli sabablarni ro’kach qilib puli qaytarilmayotganligidan norozilik bildirib ushbu masalada amaliy yordam so’ragan.
Navoiy shahar jamiyati mutaxassislari ushbu masalada tashkilot masʼullari bilan bog’lanib, amaldagi isteʼmolchilarning huquqlarini himoya qilish tog’risidagi qonunchilik talablari, ularga koʼra sotuvchi (xizmat koʼrsatuvchi)ning majburiyatlari, isteʼmolchining huquqlari borasida muzokara o'tkazganlaridan so’ng, shahar jamiyatiga telefon orqali bog’langan isteʼmolchi uning 124 000 000 (bir yuz yigirma to’rt million) so’m pul mablag’i bank plastik kartasiga tushirib berilganligini maʼlum qilib, jamiyat xodimlariga o`z minnatdorchiligini bildirdi.
