06.01.2024
Bugun texnika va texnologiyalar taraqqiy etgan bir davrda yashamoqdamiz. Bu sohada soniya sayin ro`y berayotgani yangiliklar kishi havasini keltiradi. Bunday jarayonga esa asosan biron bir narsa xarid qilishga borganimizda guvoh bo`lamiz. Ammo kuzatayotgan va xarid qilayotgan mahsulotlarimizning barchasi ham doim sifatli bo`lib chiqavermaydi. Shu mazmundagi holatga duch kelgan Urganch shahar, A.Boxodirxon ko'chasi 205-uy, 19-xonadonda yashovchi fuqaro R. D. Urganch tuman iste'molchilar huquqlarini himoya qilish jamiyatiga og'zaki murojaat qildi.
Fuqaroning murojaatiga ko'ra yangi sotib olingan "IPhone-15" rusumli telefoni nosoz chiqqanligi sababli yangisiga almashtirib berishni so'ragan. Tadbirkor nosoz telefonni almashtirib berishdan bosh tortgan .Fuqaroning murojaati yuzasidan tadbirkor bilan uchrashilib, nosoz "IPhone-15" rusumli telefoni yangisiga almashtirilib berildi.
