16.02.2024
Namangan viloyati Norin tumanida yashovchi fuqaro J.M. tomonidan tuman isteʼmolchilar huquqlarini himoya qilish jamiyatiga murojaat kelib tushgan.
Unda keltirilishicha, fuqaro tumanda joylashgan maishiy texnikalar doʻkonidan 6 400 000 soʻmga muzlatgich xarid qilgan. Hali foydalanishga ulgurmasdan, muzlatgichda nuqsonlar koʻrina boshlagan. Ushbu holatdan norozi boʻlgan fuqaro doʻkon maʼmuriyatiga bir necha bor murojaat qilgan bo'lsa-da, "Mendan ketguncha, egasiga yetguncha" qabilida fuqaro murojaatini eʼtiborsiz qoldirishgan.
Ushbu holat jamiyat xodimlari tomonidan oʻrganilganda haqiqatan ham muzlatgich nosoz ekani ma'lum bo'ldi. Natijada, 6 400 000 soʻm mablagʻ egasiga qaytarib olib berildi.
