Denov tumanida iste’molchi murojaati ijobiy hal etildi
Iste’molchilarning huquq va qonuniy manfaatlarini himoya qilish, ularning murojaatlarini o‘rganish hamda yuzaga kelgan muammolarga amaliy yechim topish borasida Denov tuman iste’molchilar huquqlarini himoya qilish jamiyati tomonidan tegishli ishlar olib borilmoqda.
Jumladan, Denov tumani Fayzli mahallasi Yosh avlod ko‘chasidagi 85-uyda yashovchi fuqaro Sh. Rustamova o‘z murojaatida 8 million 500 ming so‘mga xarid qilingan noutbukda nosozlik mavjudligini bildirgan va ushbu muammoni hal etishda amaliy yordam so‘ragan.
Mazkur murojaat Denov tuman iste’molchilar huquqlarini himoya qilish jamiyati tomonidan o‘rganib chiqildi. O‘rganish jarayonida noutbukdagi nosozlikni bartaraf etish masalasiga e’tibor qaratilib, tegishli choralar ko‘rildi.
Natijada nosoz noutbuk Texnomakon servis xizmati tomonidan ta’mirlanib, iste’molchining muammosi ijobiy hal etildi.
Ushbu holat iste’molchilar murojaatlarini o‘z vaqtida o‘rganish, ularning qonuniy manfaatlarini himoya qilish va mavjud muammolarni amaliy hal etishda hamkorlikning muhimligini yana bir bor ko‘rsatadi.
Denov tuman iste’molchilar huquqlarini himoya qilish jamiyati tomonidan fuqarolarning murojaatlari bilan ishlash, iste’molchilar huquqlarini tiklash va aholining huquqiy savodxonligini oshirishga qaratilgan ishlar davom ettirilmoqda.
Unutmang! Agar xarid qilgan tovaringizda nuqson aniqlansa yoki iste’molchi sifatidagi huquqlaringiz buzilsa, tegishli tashkilotlarga murojaat qilib, huquqlaringizni himoya qilish uchun qonuniy imkoniyatlardan foydalanishingiz mumkin.
