Chilonzor tumanidagi oliy ta’lim muassasasida ijtimoiy so‘rovnomalar o‘tkazilmoqda

O‘zbekiston iste’molchilar huquqlarini himoya qilish jamiyatlari Federatsiyasi tomonidan iste’molchilarning huquq va qonuniy manfaatlarini himoya qilish, ularga ko‘rsatilayotgan xizmatlar sifatini o‘rganish hamda mavjud muammolarni aniqlashga qaratilgan ishlar izchil davom ettirilmoqda.
Ishchi guruh a’zolari tomonidan tegishli buyruq ijrosini ta’minlash maqsadida Chilonzor tumanida joylashgan Toshkent davlat Iqtisodiyot universitetida talabalar o‘rtasida ijtimoiy so‘rovnomalar o‘tkazilmoqda. So‘rovnomalar orqali talabalarga taqdim etilayotgan ta’lim xizmatlari sifati, ularning iste’molchi sifatidagi huquq va manfaatlari hamda mavjud taklif va muammolarni o‘rganishga alohida e’tibor qaratilmoqda.
Mazkur tadbirlar ta’lim xizmatlari sifatini o‘rganish, talabalar fikrini tahlil qilish va iste’molchilar huquqlarini ta’minlash borasidagi ishlar samaradorligini oshirishga xizmat qiladi.