NAMANGAN VILOYATIDA TA’LIM MUASSASALARIDA JAMOATÇILIK MONITORINGI ÖTKAZILMOQDA

NAMANGAN VILOYATIDA TA’LIM MUASSASALARIDA JAMOATÇILIK MONITORINGI ÖTKAZILMOQDA
🔰 Özbekiston iste’molçilar huquqlarini himoya qiliş jamiyatlari federatsiyasi raisining 2026-yil 21-sentabrdagi 03-01/153-sonli «Jamoatçilik monitoringi (kuzatuv-örganişlar)ni ötkaziş töğrisida»gi buyruği ijrosini ta’minlaş maqsadida Federatsiyaning Namangan viloyati hududiy birlaşmasi tomonidan viloyatdagi oliy ta’lim muassasalari, akademik litseylar, kollej va texnikumlarda jamoatçilik monitoringi olib borilmoqda.
♻️ «Ta’limdagi islohotlar — jamoatçilik nigohida» mavzusida taşkil etilayotgan mazkur monitoringlar ta’lim muassasalarida talaba va öquvçilarning iste’molçi sifatidagi huquqlari hamda qonuniy manfaatlarini himoya qiliş, ularga körsatilayotgan ta’lim, ijtimoiy-maişiy va madaniy xizmatlar sifatini örganiş, şuningdek, mavjud muammolarni aniqlaş va ularning yeçimi yuzasidan amaliy takliflar işlab çiqişga qaratilgan.
♻️ Jamoatçilik monitoringi davomida ta’lim muassasalarida talaba va öquvçilar uçun yaratilgan şart-şaroitlar, ta’lim xizmatlarining sifati, oçiqlik va şaffoflik tamoyillariga rioya etilişi, şuningdek, öquv jarayoni va unga boğliq xizmatlarni taşkil etiş holatiga alohida e’tibor qaratilmoqda.
♻️ Monitoring jarayonida ta’lim muassasalarining moddiy-texnik bazasi, öquv xonalari va ijtimoiy-maişiy obyektlaridagi şaroitlar, şuningdek, nogironligi bölgan şaxslar uçun yaratilgan qulayliklar ham e’tibor markazida bölmoqda. Bu borada talaba va öquvçilarning fikr-mulohazalarini örganiş, ularni qiynayotgan masalalarni aniqlaş hamda ta’lim muassasalari mas’ullari bilan bevosita muloqot qilişga muhim ahamiyat berilmoqda.
♻️ Mazkur kuzatuv-örganişlar natijasida aniqlangan muammo va kamçiliklarni bartaraf etiş, ta’lim xizmatlari sifatini yanada yaxşilaş, iste’molçilarning huquq va qonuniy manfaatlarini ta’minlaş yuzasidan tegışli taklif va tavsiyalar işlab çiqilişi közda tutilgan.