Iste’molchi mahsulot sifatidan emas, navbat tartibidan norozi

Umumiy ovqatlanish shaxobchalarida iste’molchilar ikki xil ko’rinishda taom buyurtma qilishadi: birinchi formatda shaxobchaning o’zida tanovul qilishsa, ikkinchi formatda tayyor ovqatni uyga eltib iste’mol qilishlari mumkin.

Iste’molchi S.X Buxoro shahrida joylashgan “G Ch” kafesidan uyga olib ketish uchun ovqat buyurtma qilgan va o’z navbatini kuta boshlagan. Shaxobcha xodimlari tomonidan navbatsiz boshqa mijozlarga ovqat berilayotganini ko’rgach, o’zining qonuniy huquqini talab qiladi.

Iste’molchi kafe mas’ullari xatti-harakatidan norozi bo’lib, Buxoro shahar iste’molchilar huquqlarini himoya qilish jamiyatiga murojaat qoldirgan. Jamiyat xodimlari tomonidan murojaat o’rganilib, iste’molchining huquqlari to’liq tiklandi va yetkazilgan zarar qoplab berildi.