Iste’mol madaniyatini oshirish yuzasidan targ’ibot tadbirlari o’tkazilmoqda

Iste’mol madaniyatini aholi o’rtasida oshirish, iste’molchilarning huquqiy savodxonligini rivojlantirish va qonunchilik normalarini tushuntirish maqsadida O’zbekiston iste’molchilar huquqlarini himoya qilish jamiyatlari federatsiyasi Buxoro viloyat hududiy birlashmasi tomonidan ma’rifiy tadbirlar tashkil etilmoqda.

Jumladan, “Buxoro turizm va madaniy meros” texnikumida ishchi-xodimlar hamda talabalar ishtirokida o’quv seminari tashkil etildi. Tadbir davomida birlashma raisi o’rinbosari - ijrochi direktor D.Rajabov, sho’ba boshlig’i A.Axmadovlar nutq so’zlab, iste’molchining huquq va majburiyatlarini tushuntirishdi.

Savol-javob ko’rinishida o’tkazilgan tadbirda ishtirokchilar o’zlarini qiziqtirgan savollarga mutaxassislardan asosli javoblar olishdi. Yangi taklif va tashabbuslar tinglanib, bu kabi tadbirlarni tizimli davom ettirishda hamkorlik rejasi kelishuviga erishildi.