Uyda ta’lim oluvchi o‘quvchilar e’tibor markazida

   Uchquduq tuman Iste’molchilar huquqlarini himoya qilish jamiyati tomonidan tumandagi uyda ta’lim olayotgan o‘quvchilarga yaratilgan sharoitlarni o‘rganish ishlari olib borilmoqda.O‘rganishlar davomida o‘quvchilarning dars jarayonlari, yashash sharoiti, o‘quv qurollari bilan ta’minlanganligi hamda ularga yaratilgan qulayliklarga alohida e’tibor qaratilmoqda. Shuningdek, ota-onalar bilan suhbatlar o‘tkazilib, mavjud muammolar va takliflar ham o‘rganib chiqilmoqda.   Mazkur jamoatchilik nazorati tadbiridan ko‘zlangan asosiy maqsad — uyda ta’lim olayotgan bolalarning sifatli ta’lim olishi uchun yaratilgan imkoniyatlarni yanada yaxshilash hamda ularning huquq va manfaatlarini himoya qilishdan iborat.

O‘rganishlar davom etmoqda.