Jamoatchilik nazorati tartibida monitoringlar o’tkazilmoqda

O‘zbekiston iste’molchilar huquqlarini himoya qilish jamiyatlari Federatsiyasi raisining tegishli topshiriqlari ijrosini ta’minlash maqsadida Buxoro viloyati Peshku tuman iste’molchilar huquqlarini himoya qilish jamiyati tomonidan uyda ta’lim olayotgan o‘quvchilar holati hamda ular uchun yaratilgan shart-sharoitlarni o‘rganish yuzasidan jamoatchilik monitoringlari olib borilmoqda.

Monitoring jarayonida mutasaddi tashkilotlar, mahalla faollari hamda ta’lim sohasi vakillari bilan hamkorlikda uyda ta’lim olayotgan bolalarning yashash muhiti, ta’lim olish uchun yaratilgan qulayliklar, darslik va o‘quv qurollari bilan ta’minlanganlik darajasi o‘rganildi.

O‘rganishlar davomida tegishli tavsiya va tushuntirishlar berilib, mavjud muammolarni bartaraf etish yuzasidan mas’ul tashkilotlarga takliflar bildirildi.