Kogon tumanida uyda ta’lim jarayonlari o’rganilmoqda

O‘zbekiston iste’molchilar huquqlarini himoya qilish jamiyatlari Federatsiyasining tegishli buyrug’i ijrosini ta’minlash maqsadida Buxoro viloyati Kogon tuman iste’molchilar huquqlarini himoya qilish jamiyati tomonidan uyda ta’lim olayotgan o‘quvchilar uchun yaratilgan shart-sharoitlarni o‘rganish yuzasidan jamoatchilik monitoringlari olib borilmoqda.

Monitoring tadbirlarida jamiyat mutaxassislari, mahalla fuqarolar yig‘ini vakillari, ta’lim sohasi mas’ullari hamda ota-onalar ishtirok etib, uyda ta’lim olayotgan o‘quvchilarning yashash sharoiti, bilim olish muhiti va ularga yaratilayotgan imkoniyatlar atroflicha ko‘zdan kechirildi. Shuningdek, o‘quvchilarning salomatligi, psixologik holati va ijtimoiy qo‘llab-quvvatlanish masalalariga ham e’tibor qaratildi.