⚡️Koson tumanida isteʼmolchi huquqi tiklandi
Kommunal to’lovlar, ularni tizimli va muddatli to’lash madaniyati, texnik xatoliklar tufayli vujudga kelgan noreal qarzdorliklar, ularni so’ndirish bilan bog’liq masalalar xususida qator maqolalar chop etilgan.
📍Qashqadaryo viloyati
Murojaatda qayd etilishicha, Koson tumanida yashovchi fuqaro Rizoqulov Jasur Jaloliddinovich tumandagi "Hududgaz Qashqadaryo gaz " taʼminoti filiali Koson tumangaz taʼminoti boʻlimiga nisbatan asossiz hisoblangan qarzdorlik qayta hisob kitob qilish majburiyatini yuklatish haqidagi davo arizasi boʻyicha ish qoʻzgʻatilgan.
Davogar Oʻzbekiston Isteʼmolchilar huquqlarini himoya qilish jamiyatlari federatsiyasi Koson tumani jamiyati ijro etuvchi apparatining fuqaro Rizoqulov Jasur Jaloliddinovich manfaatini koʻzlab sudga davo arizasi bilan "Hududgaz Qashqadaryo gaz" taʼminoti filiali Koson tumangaz taʼminoti murojaat qilib, unda javobgar Qashqadaryo hududiy filialining zimmasiga fuqaro Rizoqulov Jasur Jaloliddin oʻgʻliga asossiz deb hisoblangan 9 711 000 soʻm qarzdorlikni qayta hisob kitob qilish majburiyatini yuklatishni soʻragan.
Boʻlib oʻtgan voqealikdan norozi boʻlgan fuqaro Koson tuman isteʼmolchilar huquqlarini himoya qilish jamiyatiga murojaat qilgan.
Jamiyat tomonidan huquqiy yordam koʻrsatilgan holda Fuqarolik ishlari boʻyicha Koson tumanlararo sudiga davo arizasi kiritildi.
Sud jarayonlari yakuniga koʻra, isteʼmolchiga yuklatilgan 9 711 000 soʻm boʻlgan noreal qarzdorlik bekor qilindi.
✅ Mazkur holat shundan dalolat beradiki, iste’molchilar o‘z huquqlarini bilishlari va ularni himoya qilishda sustkashlikka yo‘l qo‘ymasliklari zarur. Agar tovar yoki xizmat ko‘rsatuvchi shartnoma shartlarini bajarmasa, har bir fuqaro qonun asosida o‘z manfaatlarini himoya qila oladi.
