NODAVLAT MAKTABGACHA TA’LIM TASHKILOTLARIDA JAMOATCHILIK NAZORATI MONITORING TADBIRLARI O‘TKAZILMOQDA

Romitan tuman iste’molchilar huquqlarini himoya qilish jamiyati tomonidan tuman hokimi tasdiqlagan chora-tadbirlar rejasiga muvofiq, hududdagi nodavlat maktabgacha ta’lim tashkilotlarida jamoatchilik nazorati tartibida o‘rganishlar olib borilmoqda.

Mazkur o‘rganishlardan ko‘zlangan asosiy maqsad bolalarga sifatli, xavfsiz va belgilangan talablarga muvofiq xizmat ko‘rsatilishini ta’minlash, tarbiyalanuvchilarning qonuniy manfaatlarini himoya qilish hamda mavjud kamchiliklarni o‘z vaqtida aniqlashdan iborat.

O‘rganishlar davomida maktabgacha ta’lim tashkilotlaridagi sanitariya-gigiyena holati, oziq-ovqat mahsulotlarining sifati va saqlanish sharoitlari, bolalarga berilayotgan taomlarning belgilangan me’yorlarga muvofiqligi, ichimlik suvi ta’minoti, yong‘in xavfsizligi, isitish va yoritish tizimlari, tibbiy xizmat ko‘rsatish hamda tarbiyalanuvchilar uchun yaratilgan boshqa shart-sharoitlar o‘rganilmoqda