Nukus tumanidagi yoqilg‘i quyish shoxobchalarining xizmat ko‘rsatish sifati o‘rganilmoqda

Nukus tumani iste’molchilar huquqlarini himoya qilish jamiyati tomonidan tuman hududidagi barcha benzin, metan va propan quyish shoxobchalari bo‘ylab monitoring o‘rganishlari boshlandi. Mutaxassislar quyidagi yo‘nalishlarga alohida diqqat qaratmoqda:

O‘lchov uskunalarining aniqligi: Quyilayotgan yoqilg‘i hajmining odil bo‘lishini ta’minlash;

Sifat nazorati: Maxsus laboratoriya analizlari orqali yoqilg‘ining standartlarga muvofiqligini o‘rganish;

Sharoit va narx: Kelgan xaridorlar uchun yaratilgan qulayliklar va narxlarning asossiz oshirilishiga yo‘l qo‘ymaslik.

Hurmatli iste’molchilar! Agar siz ham yoqilg‘i quyish shoxobchalarida kam quyish, sifatsiz mahsulot yoki xizmat ko‘rsatish bo‘yicha muammolarga duch kelsangiz, o‘z huquqingizni himoya qilish uchun darhol bizga xabar bering.