RAD ETILGAN SERVIS XIZMATI TA’MINLANDI

Tuproqqal’a tumani Sayopir MFYda yashovchi fuqaro T.X. Tuproqqal’a tumanida joylashgan savdo do‘konlaridan biridan muzlatgich xarid qilgan.

Foydalanish jarayonida muzlatgichda nosozlik yuzaga kelgan. Shu sababli fuqaro avval savdo do‘koniga murojaat qilgan, biroq do‘kon xodimlari tomonidan mahsulotga servis xizmati ko‘rsatish rad etilgan.

Shundan so‘ng fuqaro Tuproqqal’a tumani Iste’molchilar huquqlarini himoya qilish jamiyatiga og‘zaki ravishda murojaat qilgan.

Murojaat jamiyat xodimlari tomonidan o‘rganilib, iste’molchining manfaatlarini ta’minlash yuzasidan tegishli choralar ko‘rildi. Natijada muzlatgichga servis xizmati ko‘rsatilishi ta’minlanib, fuqaroning murojaati ijobiy hal qilindi.