Taxiatosh tumanidagi texnikumlarda jamoatchilik monitoringi o‘tkazildi

Qoraqalpog‘iston Respublikasi iste’molchilar huquqlarini himoya qilish jamiyatlari federatsiyasining buyrug‘i asosida Taxiatosh tumanidagi 3 ta texnikumda o‘quvchi va talabalarga yaratilgan shart-sharoitlar o‘rganildi.

Birinchi navbatda o‘quvchilar uchun taqdim etilayotgan taomlar, oziq-ovqat mahsulotlari, salqin ichimliklar va ularning saqlanish muddatlari, to‘lov uchun bank kartalari va CLICK xizmatlari yo‘lga qo‘yilganligi ko‘zdan kechirildi.

Shuningdek, videokuzatuv kameralari orqali o‘quv xonalari doimiy ravishda nazorat ostida ekanligiga guvoh bo‘ldik.

Mutaxassislar texnikum rahbarlari bilan ham uchrashib, o‘quvchi va talabalarning huquqlarini ta’minlash bo‘yicha fikr almashdi.

O‘rganish yakunlari bo‘yicha aniqlangan holatlar yig‘ilib, barcha ma’lumotlar federatsiya markaziy apparatiga taqdim etilib, bu bo‘yicha o‘rganish ishlari butun Respublika bo‘ylab davom etmoqda.