Tibbiyot xodimlari kuni munosabati bilan soha fidoyisi Federatsiya kökrak nişoni bilan taqdirlandi

Bugun Özbekiston iste’molçilar huquqlarini himoya qiliş jamiyatlari federatsiyasi raisi Jahongir Toşpölatoviç topşiriğiga asosan, Toşkent şahar hududiy birlaşmasi raisi Sardor Zakirjanoviç tomonidan tibbiyot sohasida köp yillardan buyon samarali mehnat qilib kelayotgan, öz kasbiga sadoqati, fidoyiligi va yuqori mas’uliyati bilan hurmat qozongan soha vakiliga alohida ehtirom körsatildi.
Xususan, Olmazor tumanidagi 16-son oilaviy poliklinika boş şifokori Şakirova Kimyo Sayfuddinovna uzoq yillardan buyon soğliqni saqlaş tizimida samarali faoliyat yuritib, tibbiyot sohasining rivojiga munosib hissa qöşib kelmoqda. U özining boy kasbiy tajribasi, taşabbuskorligi, fidoyiligi hamda bemorlarga bölgan e’tibor va mas’uliyatli munosabati bilan hamkasblari va aholi orasida hurmat qozongan. Şuningdek, Şakirova Kimyo Sayfuddinovna köp yillardan buyon Özbekiston iste’molçilar huquqlarini himoya qiliş jamiyatlari federatsiyasi bilan hamkorlikda faoliyat yuritib kelmoqda. Uşbu hamkorlik doirasida iste’molçilarning huquq va qonuniy manfaatlarini himoya qiliş, aholi bilan işlaş hamda ijtimoiy ahamiyatga ega taşabbuslarni qöllab-quvvatlaş borasida ham faol iştirok etib kelayotgani alohida e’tirofga loyiq.
Tibbiyot xodimlari kuni munosabati bilan uning köp yillik samarali mehnati, kasbiga bölgan sadoqati, soha rivojiga qöşgan hissasi hamda Federatsiya bilan uzoq yillik samarali hamkorligi munosib baholandi. Şu munosabat bilan Toşkent şahar hududiy birlaşmasi raisi Sardor Zakirjanoviç tomonidan Şakirova Kimyo Sayfuddinovaga Federatsiyaning kökrak nişoni tantanali ravişda topşirildi.
Mazkur e’tirof nafaqat tibbiyot sohasida fidokorona mehnat qilib kelayotgan mutaxassisning faoliyatiga berilgan yuksak baho, balki jamiyat ravnaqi, inson salomatligi va aholi farovonligi yölida xizmat qilayotgan barça tibbiyot xodimlariga körsatilayotgan hurmat va ehtiromning yorqin ifodasidir.
Zero, inson salomatligi yölida keçayu kunduz xizmat qilayotgan tibbiyot xodimlarining mehnati doimo e’tibor va e’tirofga munosibdir.
Şu fursatdan foydalanib, Şakirova Kimyo Sayfuddinovani uşbu munosib mukofot bilan samimiy muborakbod etamiz hamda kelgusi faoliyatida ulkan muvaffaqiyatlar, mustahkam soğliq va yangi yutuqlar tilaymiz!