O‘zbekiston iste’molchilar huquqlarini himoya qilish jamiyatlari Federatsiyasining Uchquduq tuman jamiyati tomonidan aholi va mehnat jamoalari o‘rtasida Federatsiya a’zoligiga jalb etish hamda iste’molchilarning huquqiy madaniyatini oshirishga qaratilgan ma’rifiy targ‘ibot tadbirlari o‘tkazilmoqda.
🔹 Navbatdagi targ‘ibot tadbiri Navoiy kon-metallurgiya kombinatiga qarashli 3-gidrometallurgiya zavodida (GMZ-3) tashkil etildi.
Tadbir davomida ishchi-xodimlarga Federatsiyaning asosiy maqsad va vazifalari, iste’molchilar huquqlarini himoya qilish borasidagi faoliyati, fuqarolarning qonuniy manfaatlarini ta’minlashdagi o‘rni haqida batafsil ma’lumotlar berildi.
⚖️ Shuningdek, Federatsiya a’zoligining afzalliklari, a’zolarning huquq va manfaatlarini himoya qilish imkoniyatlari, iste’molchi sifatida o‘z huquqlarini bilish va ulardan foydalanish masalalariga alohida e’tibor qaratildi.
✅ Mazkur targ‘ibot tadbiridan ko‘zlangan asosiy maqsad — mehnat jamoalari o‘rtasida iste’molchilar huquqlariga oid bilimlarni keng targ‘ib qilish, Federatsiya a’zolari safini kengaytirish hamda aholining huquqiy ongi va madaniyatini yuksaltirishdan iborat.
🤝 Bunday ma’rifiy uchrashuvlar iste’molchilarning huquqiy xabardorligini oshirish, ularning qonuniy manfaatlarini himoya qilish va jamoatchilik faolligini kuchaytirishga xizmat qiladi.
ISTE’MOLCHILAR HUQUQI HIMOYASI YO‘LIDA: FEDERATSIYA A’ZOLIGI TARG‘IB QILINMOQDA
- Информация о материале
- Автор: Navoiy viloyati matbuot xizmati
- Категория: Yangiliklar
- Просмотров: 214
