TIBBIYOT YO'NALISHIDA JAMOATCHILIK NAZORATI O‘TKAZILMOQDA

📌 Navbahor tumani Iste’molchilar huquqlarini himoya qilish jamiyati tomonidan tumandagi “Qalqonota” MFY hududida joylashgan 10-son oilaviy poliklinikada jamoatchilik nazorati tartibida kuzatuv-o‘rganish ishlari olib borilmoqda.
🔹 Mazkur kuzatuv-o‘rganishlar O‘zbekiston Iste’molchilar huquqlarini himoya qilish jamiyatlari Federatsiyasi hamda Navoiy viloyat hududiy birlashmasining tegishli buyrug‘i ijrosini ta’minlash maqsadida tashkil etildi.
🏥 O‘rganishlar davomida poliklinikada aholiga ko‘rsatilayotgan tibbiy xizmatlar sifati, sanitariya-gigiyena holati, dori vositalarining saqlanishi, navbatlarni tashkil etish hamda bemorlar uchun yaratilgan shart-sharoitlar jamoatchilik nazorati asosida ko‘zdan kechirildi.
🔎 Aniqlangan holatlar yuzasidan tegishli tavsiyalar berilib, mavjud kamchiliklarni bartaraf etish bo‘yicha mas’ullarga zarur ko‘rsatmalar taqdim etildi.
🤝 Navbahor tumani Iste’molchilar huquqlarini himoya qilish jamiyati tomonidan fuqarolarga sifatli va xavfsiz xizmatlar ko‘rsatilishini ta’minlash maqsadida jamoatchilik nazorati tadbirlari izchil davom ettirilmoqda.