To‘rtko‘l tumanidagi ta’lim markazlarida jamoatchilik monitoringi o‘tkazilmoqda.

Qoraqalpog‘iston Respublikasi iste’molchilar huquqlarini himoya qilish jamiyatlari federatsiyasining 46-sonli buyrug‘iga muvofiq, ta’lim muassasalarida talaba va o‘quvchilarga yaratilgan sharoitlar, xizmat ko‘rsatish sifatidagi ko‘rsatkichlar va ularning huquqlarining ta’minlanishini o‘rganish bo‘yicha jamoatchilik monitoringi olib borilmoqda.

🔍 Monitoringning asosiy maqsadi:

Talabalarga yaratilgan ta’lim va ijtimoiy-iqtisodiy sharoitlar holatini o‘rganish va iste’molchilar huquqlari himoyasini ta’minlash hamda xizmat ko‘rsatish sifatini yaxshilash bo‘yicha tavsiyalar berishdan iborat.

O‘rganishlar davomida ta’lim muassasalarining moliyaviy-xo‘jalik faoliyatiga aralashmagan holda, dars jarayonlariga xalaqit bermasdan, faqat yaratilgan sharoitlarga e’tibor qaratilmoqda.