8,8 MLN SO'M VA MA'NAVIY ZARAR : NOSOZ TELEVIZOR DA'VOSI SUDDA HAL ETILDI

  ​2026-yil 23-avgust kuni Navoiy shahrida yashovchi fuqaro N. N. ezgu niyatlar bilan shahrning savdo doʻkonlaridan biridan 8 800 000 soʻm evaziga yangi televizor xarid qildi. Biroq, koʻp oʻtmay xaridorning quvonchi tarqaldi — harid qilingan maishiy texnika nosoz boʻlib chiqdi.
​Fuqaro ushbu muammo yuzasidan savdo doʻkoniga bir necha bor murojaat qilib, nosoz mahsulotni almashtirish yoki pulni qaytarishni soʻradi. Afsuski, savdo doʻkoni masʼullari isteʼmolchining qonuniy talablarini eʼtiborsiz qoldirishdi.
​Murojaat va Sud Jarayoni
​Tadbirkorning befarqligidan soʻng fuqaro oʻz huquqlarini himoya qilish maqsadida Navoiy shahar Isteʼmolchilar huquqlarini himoya qilish jamiyatiga amaliy yordam soʻrab murojaat qildi.
​Tushuntirish ishlari: Jamiyat xodimlari tomonidan savdo doʻkoni rahbariyatiga isteʼmolchilar huquqlarini buzmaslik va muammoni tinch yoʻl bilan hal etish boʻyicha zarur tushuntirishlar berildi.
​Daʼvo arizasi: Doʻkon rahbariyati tushuntirish ishlariga ham loqayd munosabatda boʻlgach, fuqaroning buzilgan huquqlarini tiklash uchun Fuqarolik ishlari boʻyicha Karmana tumanlararo sudiga daʼvo arizasi kiritildi.
​Sud Qarori va Natija
​Sud majlisida ishning barcha holatlari hamda amaldagi "Isteʼmolchilarning huquqlarini himoya qilish toʻgʻrisida"gi Qonun talablari atroflicha oʻrganib chiqildi.
​Sud hal qiluv qarori: Fuqaro N. N. foydasiga doʻkon maʼmuriyatidan nafaqat sifatiz mahsulot uchun toʻlangan moddiy zarar, balki yetkazilgan maʼnaviy zarar ham toʻliq undirib berilishi belgilandi.
​Ushbu voqea har bir isteʼmolchi oʻz qonuniy huquqlarini bilishi va ularni himoya qilishdan chekinmasligi kerakligini, tadbirkorlar esa xaridorlar oldidagi masʼuliyatni unutmasliklari shartligini yana bir bor koʻrsatdi.