9 million so’mlik g’isht qurilish mahsuloti o’z vaqtida yetkazib berilmagan

Qurilishda eng ko’p foydalaniladigan qurilish vositasi g’isht hisoblanadi. Bir necha ming yillikdan buyon binolar tashqi va ichki devorlariga g’ishtning ibtidoiy shakllari qizil, qo’ng’ir va gil tarkibli turlari qo’llaniladi.

Iste’milchi F.S Qorako’l tumanida faoliyat ko’rsatayotgan g’isht ishlab chiqarish tsexidan 9 million so’mga g’isht xarid qilgan. Belgilangan muddatda ishlab chiqaruvchi tomonidan mahsulot yetkazib berilmagan, buyurtmani bajarish paysalga solingan.

Iste’molchi Qorako’l tuman iste’molchilar huquqlarini himoya qilish jamiyatiga murojaat qoldirishi bilan “g’isht qolipdan ko’chdi”. Jamiyat xodimlari murojaatni sifatli va qonuniy o’rganib, iste’molchi murojaatida ko’rsatilgan iddaolar o’z tasdig’ini topdi. Iste’molchiga shu kunning o’zidayoq to’lov to’liq qaytarib olib berildi.