Denov tumanida internet xizmati bilan bog‘liq murojaat o‘rganilib, iste’molchining qonuniy manfaatlarini himoya qilish yuzasidan amaliy yordam ko‘rsatildi.
Denov tuman Iste’molchilar huquqlarini himoya qilish jamiyati tomonidan aholining murojaatlarini o‘z vaqtida o‘rganish, iste’molchilarning qonuniy huquq va manfaatlarini himoya qilish hamda fuqarolarga amaliy-huquqiy ko‘mak ko‘rsatish borasidagi ishlar izchil davom ettirilmoqda.
Jamiyatga Denov tumani Nuruston mahallasida yashovchi fuqaro X.D. tomonidan internet xizmati bilan bog‘liq murojaat kelib tushdi. Murojaatda fuqaro xonadonidagi Wi-Fi tarmog‘i 2026-yil 15-iyun kunidan buyon ishlamayotgani, ushbu masala yuzasidan “O‘zbektelekom” AK Janubiy filiali Denov tumani mas’ullariga murojaat qilgan bo‘lsa-da, muammo o‘z vaqtida bartaraf etilmagani sababli amaliy yordam so‘ragani bayon etilgan.
Mazkur holat iste’molchining haqli e’tiroziga sabab bo‘lgan. Chunki internet xizmati bugungi kunda aholining kundalik hayoti, axborot olish imkoniyati, ta’lim, ish faoliyati hamda turli onlayn xizmatlardan foydalanishida muhim ahamiyat kasb etadi. Shu bois bunday xizmatlarning uzluksiz va sifatli ko‘rsatilishi iste’molchilarning qonuniy huquqlari bilan bevosita bog‘liqdir.
Murojaat Denov tuman Iste’molchilar huquqlarini himoya qilish jamiyati xodimi, “O‘zbektelekom” AK Janubiy filiali Denov tumani mas’ullari hamda murojaatchi ishtirokida o‘rganib chiqildi. O‘rganish jarayonida fuqaro tomonidan bildirilgan vajlar, xonadondagi internet tarmog‘i holati hamda xizmat ko‘rsatuvchi tashkilot tomonidan ko‘rilgan choralar atroflicha tahlil qilindi.
Jamiyat xodimlari tomonidan mutasaddi tashkilot vakillari bilan hamkorlikda internet tarmog‘idagi nosozlikni bartaraf etish yuzasidan tegishli choralar ko‘rildi. Natijada “O‘zbektelekom” AK Janubiy filiali Denov tumani mas’ullari tomonidan fuqaroning xonadonidagi Wi-Fi tarmog‘i ta’mirlanib, internet xizmati qayta tiklandi.
Shu tariqa murojaat ijobiy hal etilib, fuqaroning internet xizmatidan foydalanish imkoniyati ta’minlandi. Iste’molchining qonuniy manfaati himoya qilinib, mavjud muammo amaliy choralar asosida bartaraf etildi.
Mazkur holat aholiga ko‘rsatilayotgan aloqa va internet xizmatlari sifati, murojaatlarni o‘z vaqtida ko‘rib chiqish hamda iste’molchilarning qonuniy manfaatlarini himoya qilish muhim ahamiyatga ega ekanini yana bir bor ko‘rsatadi. Xizmat ko‘rsatuvchi tashkilotlar tomonidan fuqarolar murojaatlariga mas’uliyat bilan yondashish, yuzaga kelgan texnik nosozliklarni o‘z vaqtida bartaraf etish iste’molchi ishonchini mustahkamlashga xizmat qiladi.
Agar iste’molchi internet, aloqa, elektr energiyasi, gaz, suv yoki boshqa xizmatlardan foydalanish jarayonida muammoga duch kelsa, belgilangan tartibda tegishli tashkilotlarga yoki iste’molchilar huquqlarini himoya qilish jamiyatlariga murojaat qilish huquqiga ega.
Denov tuman Iste’molchilar huquqlarini himoya qilish jamiyati tomonidan fuqarolarning murojaatlarini o‘rganish, xizmat ko‘rsatish sohasida yuzaga kelayotgan muammolarni qonuniy tartibda hal etish hamda iste’molchilarga amaliy-huquqiy ko‘mak ko‘rsatish ishlari davom ettirilmoqda.
Sizning ham iste’molchi sifatidagi huquqlaringiz buzildimi?
1091 qisqa raqamiga qo‘ng‘iroq qiling!
O‘zbekiston iste’molchilar huquqlarini himoya qilish jamiyatlari federatsiyasi
Surxondaryo viloyati hududiy birlashmasi Axborot xizmati
