🛒 MUDDATI O‘TGAN MAHSULOTLAR SOTUVDAN OLDIRILDI

📌 Iste’molchilar murojaati e’tibordan chetda qolmadi
2026-yil 24-iyul kuni Uchquduq tumani Iste’molchilar huquqlarini himoya qilish jamiyatiga fuqaro N. Z. tomonidan yozma murojaat kelib tushdi. Murojaatda fuqaro yashash uyi yaqinidagi oziq-ovqat do‘konida iste’mol qilish muddati o‘tgan mahsulotlar sotuvda ekani yuzasidan noroziligini bildirdi.
🔹 Jamoatchilik nazorati o‘tkazildi
Murojaat asosida jamiyat mutaxassislari tomonidan mazkur savdo do‘konida jamoatchilik nazorati tartibida kuzatuv o‘tkazildi. O‘rganish davomida savdo rastalarida iste’molga yaroqsiz, amal qilish muddati o‘tgan mahsulotlar mavjudligi aniqlandi.
⚖️ Qonunchilik talablari tushuntirildi
Do‘kon mas’ullariga iste’molchilar huquqlarini himoya qilish to‘g‘risidagi qonunchilik talablari yuzasidan tushuntirishlar berildi hamda muddati o‘tgan mahsulotlar zudlik bilan sotuvdan oldirildi.
✅ Iste’molchilar manfaatlari himoya qilindi
Mazkur holat yuzasidan ko‘rilgan tezkor choralar natijasida iste’molchilarning qonuniy manfaatlari himoya qilinib, sifatsiz va iste’molga yaroqsiz mahsulotlarning savdoda bo‘lishiga chek qo‘yildi.
🤝 Hurmatli iste’molchilar! Agar siz ham savdo va xizmat ko‘rsatish sohasida huquqlaringiz buzilganiga duch kelsangiz, O‘zbekiston Iste’molchilar huquqlarini himoya qilish jamiyatlari federatsiyasining 1091 ishonch raqamiga murojaat qilishingiz mumkin.