Denov tumanida iste’molchining 6 million 84 ming so‘mlik konditsioner bo‘yicha murojaati ijobiy hal etildi
Iste’molchilarning huquq va qonuniy manfaatlarini himoya qilish, ularning murojaatlarida ko‘tarilgan muammolarni o‘rganish hamda amaliy yordam ko‘rsatish borasida Denov tuman iste’molchilar huquqlarini himoya qilish jamiyati tomonidan tegishli ishlar olib borilmoqda.
Ana shunday murojaatlardan biri Uzun tumani Uzun MFY, Mustaqillik ko‘chasi 13-uyda yashovchi M. Tursunova tomonidan yo‘llangan.
Fuqaroning 2026-yil 4-sentabrdagi №26563/26-sonli murojaati Denov tuman iste’molchilar huquqlarini himoya qilish jamiyati tomonidan o‘rganildi. O‘rganish davomida Denov IDEA savdo do‘konidan 6 084 000 so‘mga xarid qilingan konditsionerda nuqson mavjudligi aniqlangan.
Murojaatni o‘rganish jarayonida servis mutaxassislari ham ishtirok etib, konditsionerdagi nosozlikni aniqlash bo‘yicha tegishli ishlarni amalga oshirgan. Natijada konditsioner iste’molchining xohishiga ko‘ra ta’mirlab berilgan.
Shu tariqa fuqaroning murojaatida ko‘tarilgan masala amaliy yordam asosida ijobiy hal etildi. Bu haqda Denov tuman iste’molchilar huquqlarini himoya qilish jamiyati tomonidan M. Tursunovaga yozma ravishda ma’lum qilingan.
Mazkur holat iste’molchi tomonidan xarid qilingan maishiy texnikada nuqson aniqlangan taqdirda, muammoni belgilangan tartibda ko‘rib chiqish va iste’molchining talabini inobatga olgan holda masalani hal etish muhimligini ko‘rsatadi.
Iste’molchi murojaati — e’tibor va amaliy yechimga loyiq.
