Qumqo‘rg‘onda iste’molchining suyultirilgan gaz bilan bog‘liq murojaati ijobiy hal etildi

Fuqarolar murojaatlarini o‘rganish va ularning qonuniy manfaatlarini ta’minlash borasidagi amaliy ishlar davom etmoqda
Qumqo‘rg‘on tumanida fuqarolarning murojaatlarini o‘z vaqtida ko‘rib chiqish hamda iste’molchilarning qonuniy huquq va manfaatlarini himoya qilish borasida amaliy ishlar olib borilmoqda.
Xususan, Qumqo‘rg‘on tumani Joziba mahallasida yashovchi fuqaro Xo‘shboqov Sherzod Abdumurod o‘g‘li O‘zbekiston iste’molchilar huquqlarini himoya qilish jamiyatlari federatsiyasining ishonch telefoniga murojaat qilgan.
Fuqaroning murojaati Qumqo‘rg‘on tuman Iste’molchilar huquqlarini himoya qilish jamiyati xodimlari hamda “Hududgaz Surxondaryo” gaz ta’minoti tizimining Qumqo‘rg‘on tuman bo‘limi mas’ul mutaxassislari tomonidan o‘rganib chiqildi. Bu haqda 2026-yil 18-avgust kuni rasmiy javob xati taqdim etilgan.
O‘rganish davomida murojaat muallifining xonadonida maishiy gaz balloniga ehtiyoj mavjudligi aniqlanib, tegishli choralar ko‘rildi. Natijada Xo‘shboqov Sherzodning xonadoniga tuman gaz ta’minoti bo‘limi tomonidan suyultirilgan gaz yetkazib berildi.
Hujjatning 3-betida fuqaroning o‘z qo‘li bilan yozgan tashakkurnomasida ham murojaati bo‘yicha gaz balloni to‘ldirib berilgani va muammosi hal etilganidan minnatdor ekani qayd etilgan.
Mazkur holat iste’molchilar murojaatlarining e’tiborsiz qoldirilmayotgani, tegishli tashkilotlar bilan hamkorlikda ularni amaliy jihatdan hal etishga alohida e’tibor qaratilayotganini ko‘rsatadi.
Qumqo‘rg‘on tuman Iste’molchilar huquqlarini himoya qilish jamiyati tomonidan aholining murojaatlarini o‘rganish, iste’molchilarning qonuniy huquqlarini himoya qilish va mavjud muammolarni ijobiy hal etishga ko‘maklashish borasidagi ishlar izchil davom ettirilmoqda.