⚡️ Shahrisabz shahrida yana bir isteʼmolchi murojaati ijobiy hal etildi
💻 Bugungi kunda noutbuk ta'lim olish, masofadan ishlash va kundalik vazifalarni bajarishda eng muhim texnik vositalardan biriga aylangan.
✔️ Shu sababli xarid qilingan mahsulot sifatli va belgilangan talablarga javob berishi iste'molchining qonuniy huquqidir.
📜 Afsuski, ayrim hollarda nosoz mahsulotlar iste'molchilarni noqulay vaziyatga solib qo'yadi.
⚖ Bunday holatlarda esa iste'molchilar huquqlarini himoya qilish tizimi fuqarolarning manfaatlarini tiklashga xizmat qiladi.
📍 Qashqadaryo viloyati
📑 Ma'lum etilishicha, Shahrisabz shahrida yashovchi fuqaro C.A. “Idea Concept Group” MChJ do‘konidan Chuvy rusumli noutbuk xarid qilgan.
⚙️ Biroq noutbuk nosoz chiqib, iste’molchi bundan norozi bo‘lgan.
🖋 Bo'lib o'tgan vaziyatni do'kon xodimlariga tushuntirganda do'kon ishchilari iste'molchini eshitishni ham istamagan.
🏢 Shundan so'ng fuqaro huquqiy yordam so‘rab Shahrisabz shahar iste’molchilar huquqlarini himoya qilish jamiyatiga murojaat qilgan.
Jamiyat mutaxassislari masalani o‘rganib, savdo korxonasi xodimlari bilan birgalikda ish olib borgan.
🔁 Natijada nosoz noutbuk yangi yaroqli noutbukka almashtirib berildi va murojaat ijobiy hal etildi.
🏛 Mazkur murojaat ham Shahrisabz shahar iste'molchilar huquqlarini himoya qilish jamiyati mutaxassislari tomonidan qonunchilik asosida ko'rib chiqilib, iste'molchining buzilgan huquqlari tiklandi.
❗️Agar siz ham sifatsiz mahsulot yoki xizmatga duch kelsangiz, huquqlaringizni himoya qilish uchun tegishli tashkilotlarga murojaat qilishdan tortinmang.
