⚡️Shahrisabz tumanida suyultirilgan gaz ta’minoti bo‘yicha iste’molchi murojaati ijobiy hal etildi
💨 Suyultirilgan gaz aholining kundalik turmushida muhim o‘rin tutadigan eng zarur xizmatlardan biridir.
❕Ayniqsa, uni o‘z vaqtida yetkazib berish iste’molchilarning qonuniy huquqi hisoblanadi. Biroq ayrim hollarda xizmat ko‘rsatishdagi kamchiliklar fuqarolarning haqli e’tirozlariga sabab bo‘lmoqda.
🖋 Ana shunday holatlardan biri Shahrisabz tumanida iste’molchi murojaati asosida o‘rganilib, ijobiy yechim topdi.
📍 Qashqadaryo viloyati
📜 Ma'lumotda qayd etilishicha, Shahrisabz tumanida yashovchi fuqaro M.R. tuman gaz ta’minoti mas’ullari tomonidan suyultirilgan gaz o‘z vaqtida yetkazib berilmagan.
📄 Iste'molchi soha xodimlari idorasiga nima sababli gaz kechikayotganini bilish maqsadida borganida, gaz ta'minoti xodimlari fuqaroni tinglashni ham istamagan.
☎️ Mazkur voqealikdan ko'ngli to'lmagan fuqaro 1091 ishonch telefoni orqali amaliy yordam so'rab murojaat qilgan.
🏛 Shahrisabz tuman jamiyati mutaxassislari masalani o‘rganib, gaz ta’minoti tashkiloti bilan bevosita ishlashdi va muammo sabablarini aniqlashdi.
🤝 Fuqaroning murojaati asosida suyultirilgan gaz yetkazib berish jarayoni tiklandi va masala ijobiy yo‘nalishda hal etildi.
✅ Mazkur murojaat natijasida fuqaroning qonuniy manfaatlari tiklanib, suyultirilgan gaz yetkazib berish muammosi bartaraf etildi.
⚖ Bu kabi holatlar iste’molchilarning huquqlari qonun bilan himoya qilinishini hamda har bir murojaat belgilangan tartibda ko‘rib chiqilib, amaliy yechim topishini yana bir bor tasdiqlaydi.
