Xarid qilayotgan mahsulotingiz haqida toʻliq axborot olish — isteʼmolchining qonuniy huquqi

Bugungi kunda isteʼmolchilar tomonidan xarid qilinayotgan mahsulotlarning sifati, xavfsizligi va ularga oid maʼlumotlarning toʻliq taqdim etilishi muhim masalalardan biri hisoblanadi. Ayniqsa, texnika vositalari xaridida mahsulotning rasmiyligi, foydalanish shartlari va roʻyxatdan oʻtkazish jarayonlari haqida xaridorga toʻliq maʼlumot berilishi zarur.
Toshkent viloyati Isteʼmolchilar huquqlarini himoya qilish jamiyatlari hududiy birlashmasiga fuqaro A. Aymetova tomonidan murojaat kelib tushdi.
Murojaatda isteʼmolchi tomonidan “Ishonch” doʻkonidan mobil telefon xarid qilingani, biroq xarid qilingan telefon qurilmasining IMEI kodi belgilangan tartibda rasmiylashtirilmagani va isteʼmolchiga bu masalada yetarli axborot berilmagani maʼlum qilingan.
Murojaat yuzasidan mutaxassislar tomonidan holat joyiga chiqib oʻrganildi hamda doʻkon rahbariyati va masʼul xodimlari bilan tushuntirish ishlari olib borildi. Oʻrganish davomida isteʼmolchining eʼtirozlari inobatga olinib, kelib chiqqan holat yuzasidan amaliy choralar koʻrildi.
Natijada, isteʼmolchi tomonidan xarid qilingan iPhone  telefoni doʻkon tomonidan yangisiga almashtirib berildi va murojaat ijobiy hal etildi.
Mazkur holat yana bir bor shuni koʻrsatadiki, isteʼmolchi xarid qilayotgan mahsulot haqida toʻliq, ishonchli va tushunarli axborot olish huquqiga ega. Xarid jarayonida mahsulotning hujjatlari, kafolat shartlari, texnik holati, roʻyxatdan oʻtkazish talablari hamda foydalanish tartibi haqida oldindan maʼlumot olish kelgusidagi noqulay holatlarning oldini oladi.
Hurmatli isteʼmolchilar!
Telefon, maishiy texnika yoki boshqa mahsulot xarid qilayotganda quyidagilarga eʼtibor qarating:
✅ Mahsulotga oid hujjatlar toʻliq taqdim etilganmi;
✅ Kafolat taloni mavjudmi;
✅ Qurilma rasmiy roʻyxatdan oʻtganmi;
✅ Sotuvchi tomonidan barcha zarur maʼlumotlar tushuntirilganmi;
✅ Xaridni tasdiqlovchi chek saqlab qolinganmi.
Unutmang — oʻz huquqini bilgan isteʼmolchi adashmaydi va manfaatini himoya qila oladi.
Sizda ham shunga oʻxshash holatlar kuzatilganmi? Xarid qilish jarayonida oʻz huquqlaringizni qanchalik bilasiz?
📌 Batafsil maʼlumot va murojaatlar uchun:
@Toshkentviloyati1091IHHQJ