Zangiota tuman tibbiyot birlashmasida iste’molchilar huquqlari bo‘yicha monitoring va targ‘ibot ishlari olib borildi

Aholiga ko‘rsatilayotgan tibbiy xizmatlarning sifati, iste’molchilarning huquq va qonuniy manfaatlarini ta’minlash hamda fuqarolarning o‘z huquqlarini bilish darajasini oshirish maqsadida Zangiota tuman tibbiyot birlashmasining bo‘limlarida monitoring-o‘rganish ishlari o‘tkazildi.
O‘rganishlar davomida tibbiyot birlashmasi tarkibidagi bo‘limlarda fuqarolarga ko‘rsatilayotgan xizmatlar, bemorlar uchun yaratilgan shart-sharoitlar, xizmatlardan foydalanish jarayonida iste’molchilarning huquq va manfaatlariga rioya etilishi bilan bog‘liq masalalarga e’tibor qaratildi.
Monitoring jarayonida aholiga tibbiy xizmat ko‘rsatishda fuqarolarning huquqlarini hurmat qilish, ularga xizmatlar to‘g‘risida tushunarli va to‘liq ma’lumot berish, shuningdek, murojaatlarni o‘z vaqtida ko‘rib chiqish masalalari yuzasidan o‘rganishlar olib borildi.
Bugungi kunda tibbiy xizmatdan foydalanayotgan har bir fuqaro o‘zining iste’molchi sifatidagi huquqlarini bilishi muhim. Fuqaro qanday xizmatdan foydalanayotganini, xizmatning shartlari va tartibini bilishga, o‘ziga ko‘rsatilayotgan xizmat haqida zarur ma’lumot olishga hamda qonuniy manfaatlari buzilgan taqdirda tegishli tartibda murojaat qilishga haqli.
Shu sababli o‘rganishlar davomida tibbiyot muassasasi xodimlari hamda fuqarolar o‘rtasida iste’molchilarning huquqlarini himoya qilishga oid qonunchilik talablari yuzasidan targ‘ibot-tashviqot ishlari ham olib borildi.
Targ‘ibot tadbirlarida iste’molchi tushunchasi, iste’molchilarning asosiy huquqlari, xizmat ko‘rsatish sohasida iste’molchilarga beriladigan kafolatlar, murojaat qilish tartibi hamda huquq buzilgan holatlarda qayerga murojaat qilish mumkinligi haqida tushuntirishlar berildi.
Aholi bilan suhbatlar davomida ayniqsa tibbiy xizmatlardan foydalanishda fuqarolarning o‘z huquqlarini bilishi, zarur hollarda xizmat sifati yuzasidan savol berishi va o‘z manfaatlarini qonuniy asosda himoya qilishi muhimligi ta’kidlandi.
Shuningdek, fuqarolarga iste’molchilar huquqlarini himoya qilish jamiyatlariga murojaat qilish imkoniyatlari haqida ma’lumot berilib, ularning murojaatlari qonunchilikda belgilangan tartibda ko‘rib chiqilishi tushuntirildi.
Bunday monitoring-o‘rganish va targ‘ibot tadbirlari nafaqat mavjud muammolarni aniqlash, balki ularning oldini olish, aholining huquqiy savodxonligini oshirish va iste’mol madaniyatini yuksaltirishda ham muhim ahamiyat kasb etadi.
Zangiota tumanida o‘tkazilgan mazkur tadbir davomida tibbiy xizmatlardan foydalanayotgan fuqarolarning huquqiy xabardorligini oshirishga alohida e’tibor qaratildi. Zero, o‘z huquqini bilgan iste’molchi xizmat ko‘rsatish jarayonida o‘z manfaatlarini himoya qila oladi.
Toshkent viloyati iste’molchilar huquqlarini himoya qilish jamiyatlari hududiy birlashmasi tomonidan aholining huquqiy savodxonligini oshirish, iste’molchilar manfaatlarini himoya qilish va turli sohalarda jamoatchilik monitoringlarini tashkil etish borasidagi ishlar izchil davom ettirilmoqda.
Hurmatli iste’molchi! Sizga ko‘rsatilayotgan xizmat sifati bo‘yicha muammoga duch kelsangiz yoki iste’molchi sifatidagi huquqlaringiz buzilgan deb hisoblasangiz, o‘z huquqlaringizni himoya qilish uchun murojaat qiling.
📞 1091 — Iste’molchilar huquqlarini himoya qilish bo‘yicha ishonch telefoni.
🌐 murojaat.istemol.uz — onlayn murojaat yo‘llash imkoniyati.